PROXECTO DOCUMENTAL INTEGRADO
No derradeiro día lectivo celebramos a Cerimonia de Clausura dos nosos Xogos Olímpicos que tivemos que organizar algo diferente ao que tiñamos pensado nun principio, pero que celebramos igualmente tomando as medidas de seguridade necesarias e cumprindo o noso Protocolo de Adaptación á situación Covid19. Non se permitiu a asistencia das familias ao evento, pero aquí lles deixamos un resumo da experiencia vivida polos seus fillos e fillas neste día tan especial.
As actuacións realizadas foron:
- Discurso do director despedindo ao alumnado que cambia de etapa educativa.
- Entrega de medallas olímpicas realizadas na impresosa 3D polo alumnado de 6º Primaria. Todos os titores entregaron aos seus alumnos e alumnas unha medalla olímpica co logo do proxecto.
- Entrega de orlas ao alumnado de 6º de Educación Infantil por parte da súa titora e os mestres especialistas.
- Entrega de orlas ao alumnado de 6º de Educación Primaria por parte dos seus titores e os mestres especialistas destes cursos.
- Homenaxe a Teresa Portela, a nosa madriña nestes Xogos especiais. Entregámoslle un ramo de flores, unha medalla xigante impresa en cor ouro e unha camiseta gravada co logo do proxecto plantexándolle un reto: que nos envíe unha foto coa camiseta posta dende un lugar emblemático de Tokio cando vaia este verán ás Olimpiadas.
- Interpretación dunha adaptación da canción de Carros de Fuego composta pola mestra de música, tocada polo alumnado de 6º Primaria e cantada por todo o centro.
" Teresa Portela na competición dos Xogos de Tokio será a mellor. (Bis)
Na súa piragua voará, irá moi veloz e o rematar comprobará que de primeira quedou (Bis)"
- Baile "Gori Ondo Tokio 2020" de todo o centro dirixida pola mestra de Educación Física.
- Apagado do noso pebeteiro.
Este libro informativo sobre algúns deportes olímpicos foi unha das tarefas finais do proxecto elaborado por todos os grupos de Educación Infantil e os niveis de 1º e 2º de Ed. Primaria.
Preme na imaxe para velo.
E aquí temos outro dos vídeos realizados como tarefa final do proxecto. Nesta ocasión o alumnado de 6º de Educación Infantil preséntanos o seu país de investigación: Costa Rica.
O alumnado de 6º de Educación Primaria está a traballar duramente para conseguir o reto de ter unha medalla de Ardia 2020 para cada un dos nosos deportistas que estiveron competindo en diferentes disciplinas nos nosos Xogos Olímpicos.
Nestes momentos están na fase de post-procesado ou acabado, quitando imperfeccións das pezas cuns cepillos duros e pintando as medallas de cor ouro.
Este é o vídeo que fixeron os alumnos e alumnas de 4º B de Educación Primaria trala investigación sobre o seu país do Proxecto: China.
Libro informativo realizado de forma colaborativa polo alumnado de 3º e 4º de Educación Primaria. Preme na imaxe para velo.
O alumnado de 5º B Educación Primaria preséntanos a Italia, país que representan nos Xogos Olímpicos de Ardia 2021.
Vídeo de presentación dos máis pequerrechos do colexio, o alumnado de 4º de Ed. Infantil representan o país de Venezuela. Neste vídeo cóntannos todo o que investigaron ó longo do curso.
O alumnado de 6º B presenta o país que representan nos nosos Xogos Olímpicos: Noruega.
O alumnado de 6º A de Educación Primaria elaborou este vídeo trala investigación que fixeron do seu país: Alemaña.
O alumnado de 5º A realizou unha profunda investigación sobre o seu país, Rusia. Aquí está o resultado do seu documental.
Deixamos aquí os enlaces aos diferentes episodios que foron gravando ó longo do curso:
Dende o 20 de Abril ata o día de hoxe realizáronse as competicións de Golf dentro do ximnasio nas sesións de Educación Física (Primaria) e nas clases de Psicomotricidade (Infantil). Os nosos deportistas tiñan que dirixir a bóla aos cadrados marcados no chan, sumando diferente puntuación segundo onde parara a bóla: no cadrado laranxa, 1 punto; no verde 2 puntos e no aro central 5 puntos.
https://www.ivoox.com/mais-curiosidades-deportivas-2-b-audios-mp3_rf_69598203_1.html
Para chegar a esta fase da Impresión 3D, primeiro o alumnado de 6º de Educación Primaria recibiu unhas sesións formativas do Deseño e impresión 3D co profe Ramón. Na primeira sesión aprenderon as fases de todo o proceso familiarizándose coa aplicación Tinkercad e na segunda clase transformaron imaxes 2D a 3D empregando o programa SELVA. Así conseguiron transformar o debuxo do logo do proxecto e insertala na peza da medalla.
Agora a máquina está a traballar seguido co fin de poderlle entregar unha medalla a cada alumn@ a final de curso. O reto está en marcha, conseguirémolo?
Pechamos o 2º trimestre coa actualización no medalleiro olímpico de Ardia 2021. Rematadas as competicións de hockey estes son os resultados. Visita a Galería de fotos e atopa a túa!
O alumnado de 4 anos centrouse na investigación de Nueva York para a súa presentación en Ardia 2021. Aquí tedes o resultado do seu traballo. Seguro que vos gusta!
Aquí está o vídeo que elaborou o alumnado de 1º de Educación Primaria para facer a súa presentación nos Xogos Ardia 2021.
Estupendo traballo de investigación que vos gustará e sorprenderá seguro.
Hai unha semana pedímoslles que nos envíaran fotos das mulleres da familia facendo deporte e este foi o resultado. O Equipo de biblioteca agradece a súa participación e desexa que este vídeo contribúa a visibilidade da muller tamén no deporte e na actividade física.
Rematadas as competicións das carreiras de medio fondo, publicamos a Galería de fotos e os resultados obtidos polos nosos deportistas no Medalleiro Olímpico Ardia 2021.
Compartimos para toda a Comunidade Educativa que por mor da pandemia non puído ver en directo o desfile que fixemos no cole para celebrar o Entroido.
Cada grupo-aula foi disfrazado dalgún aspecto da cultura do país que representa este ano no Proxecto dos nosos Xogos Olímpicos Ardia 2021.
Tamén podedes escoitar as comparsas que cantaron os grupos de 6º A e 4º B no patio e que logo gravaron na nosa Radio Escolar. Deixamos aquí o enlace ao documento coas letras das cancións e os enlaces a nosa canle de radio:
https://drive.google.com/file/d/1_77HTBxJ7RLWyY-6j81FQaFF6KQBcuWW/view
Esperamos que vos guste!
Aquí temos o vídeo de presentación de Exipto elaborado polo alumnado de 2º A. Ten a orixinalidade de ser tamén un xogo de preguntas así que prestade moita atención do que nos contan e collede papel e lapis para participar.
E seguimos documentando e compartindo os traballos de investigación realizadas polo alumnado durante este curso. O alumnado de 3º de Educación Primaria elexiron representar a Xapón e aquí temos os seus traballos. Preme na imaxe para ver todos os traballos que expuseron na súa clase.
Tamén poderás aprender a dicir a palabra PAZ en diferentes linguas.
Alumnado de 2º B de Educación Primaria realizou despois da fase de investigación do seu país este vídeo de presentación para Ardia 2021.
Nesta primeira semana de Xaneiro poidemos rematar as competicións das carreiras de velocidade que comezamos no primeiro trimestre quedando o medalleiro olímpico do seguinte xeito:
