SAMAÍN OLÍMPICO NO COLE DE ARDIA

Galería de fotos

Dous días de aténtica locura decorando paredes, portas, corredores... e as esperadas cabazas decoradas polas familias dos nosos alumnos e alumnas en relación ao proxecto. Coma sempre  estamos moi agradecidos pola colaboración das familias cunhas cabazas deportivas moi logradas en tan pouco tempo. Noraboa e grazas a todos por participar e implicaros tanto!!

Premer na imaxe para ver as exposicións de cabazas de Primaria e Infantil.

EXPOSICIÓN DE TRABALLOS DE 4º SOBRE O ATLETISMO

Nunha das entradas ao cole podedes ver a exposición de traballos que fixeron os nenos e nenas de 4º de Educación Primaria na área de Educación Física sobre as diferentes probas e concursos do Atletismo. O esforzo e a creatividade do noso alumnado queda ben reflexado na orixinalidade dalgúns traballos. Así podemos atopar lapbooks con preguntas-xogo e tamén a posibilidade de sacar dun sobre unha corda para ver en situ a lonxitude do record do salto de lonxitude ou do record de salto de altura.

AXUDANTES FACENDO CHAPAS

Hoxe algunhas axudantes voluntarias de biblioteca de 5º estiveron aprendendo a facer chapas co Logo do proxecto: unha actividade divertida e novidosa.

QUE SABEMOS, QUE QUEREMOS SABER?

Galería de fotos

Unha das actividades que se está a levar a cabo neste primeiro trimestre no proxecto é descubrir e investigar que sabemos sobre as Olimpiadas e que é o que queremos saber. Por iso, durante o mes de Outubro todos os grupos fixeron asambleas para recoller a información e plantexar preguntas a investigar. O alumnado de 3º e 4º de Educación Primaria será o encargado de facer esta investigación.  Terá ata mediados de Novembro para dar resposta as preguntas de todos os cursos. Superarán o reto??? 

TRABALLOS DE 5º EN LINGUA INGLESA

Estupendos traballos elaborados polo alumnado de 5º de Educación Primaria sobre os deportes e os records olímpicos na área de Lingua Inglesa. 

Noraboa rapaces e rapazas. A seguir investigando e documentando a información!

PROGRAMA XORNADA DE PORTAS ABERTAS DA BIBLIOTECA

O día 24 de Outubro celebramos na biblioteca o Día Internacional das Bibliotecas cunha Xornada de portas abertas na que esperamos a participación da comunidade educativa. 

Hoxe todos os nenos e nenas levaron para a casa o programa de actividades e a ficha de inscripción para que aqueles que queiran asistir. Entregade a ficha cuberta antes do día 22 de Outubro aos vosos titores/as.

PREME NA CIRCULAR PARA AUMENTAR TAMAÑO

XA TEMOS LOGO E MASCOTA DOS XOGOS ARDIA2020

Trala votación on-line estes son os gañadores:

LOGO ARDIA 2020

MASCOTA: LAMBETÓN

PREPARANDO AS DELEGACIÓNS

Nas clases de Educación Infantil xa empezaron a buscar información sobre a cultura e costumes dos países que representan nestes Xogos Ardia2020. Nas zonas interclases podemos ver algúns dos seus traballos expostos. Na entrada a aula de 3 anos atopámonos cun pequeno anticipo da investigación sobre España, na entrada da aula de 4 anos temos murais, debuxos, fotos e por suposto non podían faltar os tulipáns e muíños dos Países Baixos. Na entrada da aula de 5 anos podemos ver unha chea de traballos sobre Reino Unido.
Preme nas imaxes para ver con máis detalle os traballos.

ESPAÑA (4º ED.INFANTIL)

PAÍSES BAIXOS (5º ED. INFANTIL)

REINO UNIDO (6º ED.INFANTIL)

PRIMEIRAS COMPETICIÓNS

Comezamos as competicións de Fútbol no tempo de lecer, baixo a coordinación do mestre de Educación Física e a colaboración do alumnado de 6º de Educación Primaria para o arbitraxe.

Onte xogaron Guinea (3ºA) e Senegal (3ºB) na pista central e Australia (5ºA) e Japón (5ºB) no campo de terra.

Mañá venres xogarán kenia (4ºA) e Tanzania (4ºB) na pista central e Maldivas (6ºA) e Islas Salomón (6ºB) no campo de terra.

Galería de fotos

BAILE DO PROXECTO

Todo o cole bailando a canción "Los Juegos Olímpicos" despois do tempo de lecer.
Que ben o pasamos este fabuloso día de sol.
A partir do mércores comezan as competicións entre os diferentes cursos.
Cada grupo-aula representará ao país elexido para investigar no proxecto.
Sorte a tod@s e a participar con deportividade!!

VOTACIÓNS LOGO E MASCOTA

PREME NA IMAXE PARA VOTAR

PARTICIPA E AXÚDANOS A ELEXIR A MASCOTA E O LOGO DO PROXECTO.

TES DESDE HOXE ATA O DÍA 16 DE OUTUBRO.