MURAL PODIUM NAVIDEÑO

 

Mural elaborado polo Equipo de biblioteca e a participación do alumnado de 5º de Primaria para decorar a entrada do cole na celebración do Nadal. Buscamos todas as bandeiras dos novos países que participan en Ardia 2021 e a mensaxe "Bo Nadal" nos diferentes idiomas destes países. Así de bonito quedou o noso podium de árbores de Nadal.

SORTEO DE AGASALLOS POLO CONCURSO MULLERES OLÍMPICAS

 Hoxe fixemos o sorteo do concurso que fixeramos o ano pasado polo Día da muller sobre as mulleres olímpicas. Aquí temos os premiados e as premiadas! 

Preme na imaxe

PRIMEIROS TRABALLOS DE INVESTIGACIÓN EN 2º: EGIPTO E CAMERÚN

 O alumnado de 2º comezou xa as súas investigacións sobre os novos países escollidos para ARDIA 2021. Deixamos aquí enlace aos traballos feitos en ambos grupos. Preme nas imaxes para acceder.

EGIPTO (2º A)

CAMERÚN (2º B)

OLÍMPICOS NA RADIO ESCOLAR

 

Alumnado de 5ºA fai un programa na radio escolar sobre o traballo de investigación que fixeron no curso pasado sobre figuras olímpicas a nivel mundial. Pasa pola nosa canle para escoitar.

Episodio 1

Episodio 2

Episodio 3

ESTATUAS OLÍMPICAS

 Nas clases de Educación Física houbo que reinventarse para facer xogos e deportes sen contacto, por iso un dos xogos levados a cabo no primeiro trimestre foi o das Estatuas Olímpicas, basado no xogo popular das Estatuas musicais, no que o alumnado baila e se move libremente mentres soa a música. Cando a música para cada alumno/a representa co seu corpo un deporte olímpico: voleibol, baloncesto, tenis, fútbol....

VIDEOCONFERENCIA CON ENRIQUE NAVAS

 Con motivo do Día das personas con discapacidade e tras o traballo de investigación realizado no 4º de Ed. Primaria sobre os deportes paralímpicos, contactamos grazas a unha familia dunha alumna con Enrique Navas, deportista que na actualidade fichou co Club Breogán de Piragüismo de Remo de O Grove e que se ofreceu a facer unha videoconferencia co noso alumnado. Ademais permitiu gravala para poder compartila co resto do alumnado de todo o centro e coa comunidade educativa. Grazas Tite pola túa colaboración totalmente desinteresada. Aínda que dura máis de 30 minutos, recomendamos vela porque sen duda é unha lección da vida o que nos transmite Enrique Navas (Tite).

DEPORTES PARALÍMPICOS 4º PRIMARIA

 O alumnado de 4º de Primaria estivo a investigar sobre os deportes paralímpicos, fixeron uns pequenos traballos coa información seleccionada e logo os compartiu nun padlet. Preme na imaxe para velo.

XOGANDO ÁS ADIVIÑAS DEPORTIVAS

 

Galería de fotos

Unha das actividades realizadas no tempo do Plan lector é o xogo das adiviñas. Aproveitando as tarxeitas feitas na Biblioteca Creativa para o xogo dos escornabots, o alumnado de 2º de Primaria practica a lectura e aprende vocabulario relacionado cos deportes e os Xogos Olímpicos. Mentres un alumno/a  le a tarxeta o resto escoita e intenta adiviñar a palabra. 

ADESTRANDO AS SAÍDAS PARA AS PRIMEIRAS CARREIRAS DE ATLETISMO

 Todo o alumnado está a prepararse para as primeiras competicións deste ano. Como non podemos xuntar os grupos, imos facer as competicións nas clases de Educación Física tomando os tempos das mellores series e facendo unha media do tempo acadado por cada grupo.  Aquí están algunhas fotos das primeiras prácticas no patio.

COMEZA ARDIA 2021

BENVID@S A UN NOVO CURSO!!

 O alumnado e o profesorado deste novo curso estivo durante este primeiro trimestre adaptándose á nova normativa do centro para levar a cabo o protocolo de adaptación anti-Covid. Con moito esforzo e paciencia continuamos o proxecto que iniciamos o curso pasado co obxectivo de poder rematalo nesta nova normalidade e cumprindo todas as medidas de seguridade necesarias.

Aquí vos deixamos un Genially onde se presentan as novas delegacións dos PAÍSES escollidos para levar a cabo os nosos Xogos Olímpicos Ardia 2021. Preme no enlace para acceder a imaxe interactiva, despois tes que ir premendo nos puntos.

 https://view.genial.ly/5fca8dd6b311230dad311890/interactive-image-imagen-interactiva

DESPEDIDA ATA O VINDEIRO CURSO

Rematamos este curso escolar 2019-2020 cos videos-resumo da celebración do Entroido editados polo Coordinador de TICs.

ARDIA 2020 CONTINUARÁ...

VIDEO PRESENTACIÓN DE SENEGAL 3º B

Rematado case o curso 19-20, seguen chegando ao equipo de biblioteca os traballos dos cursos. Aquí vos deixamos o vídeo elaborado polo alumnado de 3º B falando do seu país: Senegal.

O próximo curso seguiremos co noso proxecto, esperando poder continuar as actividades iniciadas e incorporar actuacións novas.

Maratón literario de deportistas

O Taller de Solidariedade envíanos este enlace ao Maratón literario realizado por deportistas con motivo do Día do Libro. Esperamos que vos guste.

Preme na imaxe

Marcapáxinas ARDIA 2020

Con motivo da celebración do Día do Libro o Equipo de Dinaminación da Lingua Galega propón, no novo blog de tarefas polo COVID-19, a elaboración destes marcapáxinas cos debuxos das nosa mascota e do Logo do proxecto.
Algún alumno xa enviou á súa titora a foto co marcapáxinas. Grazas Equipo, grazas familia!

Preme nos debuxos para imprimir os marcapáxinas

6 de Abril, Día internacional do deporte para o desenvolvemento e a paz

No ano 2013, a Organización das Naciones Unidas proclamou o 6 de abril como Día Internacional do Deporte para o Desenvolvemento e a Paz. Esta data foi escollida para conmemorar os primeiros Xogos Olímpicos levados a cabo en Atenas, Grecia en 1896.

Todos os anos celébrase en moitos países do mundo organizando actividades físicas, charlas e obradoiros diferentes relacionados co deporte e que contribúan á promoción da actividade física.

Dada a situación na que estamos na actualidade, os invitamos a realizar de forma voluntaria exercicios físicos na casa: xogos en familia, bailes, ioga... ou as propostas que vos facemos no blog de tarefas de Educación Física. 

Ánimo e moita enerxía!

De niñas a leyendas

Dende o taller de solidaridad nos envían este material moi interesante para traballar a igualdade e coñecer  máis sobre as mulleres deportistas.
Tamén ofrecen a posibilidade de descargar un xogo de memoria e un caderno con ideas para facer en familia dada a situación actual de confinamento nas casas por mor do coronavirus.
Preme nas imaxes.

Libro 

Xogo para imprimir

 

Enlace para:

- Caderno con proposta de actividades

"Nós quedamos na casa"

PARA SABER MÁIS...

O xoves rematamos o xogo-concurso das Olímpicas. Todo o alumnado participou  con entusiasmo buscando as nosas 16 mulleres. Agora toca saber máis delas. 

Nestes días de descanso na casa podedes aproveitar para ler sobre estas mulleres. Aquí vos deixamos o documento elaborado polo Equipo de Biblioteca para facer o xogo. 

Cando retomemos as clases, faremos o sorteo de agasallos entre todos os participantes. 

CÓMICS DEPORTIVOS

ATENCIÓN!! 

Temos novos traballos do alumnado de 4º de Educación Primaria. Desta vez fixeron uns cómics seguindo coa temática do proxecto das Olimpiadas e os deportes. Prema na imaxe para disfrutar deles.

XOGO-CONCURSO DÍA DA MULLER

GALERÍA DE FOTOS

Comezamos esta semana co xogo-concurso adicado ao Día da Muller (8 de Marzo). Todo o alumnado terá que buscar polas paredes do cole as 16 olímpicas e paraolímpicas escollidas polo Equipo de biblioteca. Cada día colocaremos 4 fichas coa fotografía da deportista, o seu nome e unha breve información sobre os seus logros deportivos. O alumnado terá que cubrir a ficha do xogo que se lle entregou o luns ata completar o nome das 16 mulleres. Ao rematar o xogo, se introducirán todas as fichas no buzón do xogo que haberá no mostrador da biblioteca a partires do xoves. 
De entre todas as fichas completadas correctamente faremos un sorteo de agasallos. 

SEXTO PREPARA A SÚA TAREFA FINAL DO PROXECTO

Que andarán a facer os rapaces e rapazas de 6º de Ed. Primaria nos ordenadores da biblioteca? Andan como tolos coa tarefa final do proxecto que se lles encomendou. Que será será? 

Moito están a traballar, buscando información e traballando en grupos. 

VÍDEOS PRESENTACIÓN PAÍSES: ESPAÑA

Hoxe a profe de 4º de Educación Infantil achegounos á biblioteca o vídeo de presentación do país que representan os máis pequerrech@s do cole: ESPAÑA!

VIDEOS PRESENTACIÓN PAÍSES: KENIA E TANZANIA

4º A presenta KENIA

4º B presenta TANZANIA

GALERÍA DE FOTOS ENTROIDO

Galería de fotos

Mentres o noso equipo de TICS prepara o vídeo do Entroido e as comparsas, aquí vos adiantamos algunhas das fotos que se fixeron na celebración do Entroido Ardia2020.

MANDADIÑOS DO MECO

Preme na imaxe

Os mandadiños do meco deste ano estaban relacionados co proxecto... medallas e coroas de laurel invadiron estes días previos ao Entroido o noso colexio. Grazas familias por facer as coroas tan chulas que luciron os vosos fillos e fillas. 

COMPETICIÓNS DE BALONCESTO

Esta semana comezamos as competicións de Baloncesto no tempo de lecer. Ao longo do campionato iremos engadindo máis fotos á Galería. O martes xogaron Guinea Bissau contra Senegal nunha cancha e na outra Australia contra Xapón. Mañá xoves xogarán Tanzania contra Kenia nunha cancha e Islas Salomon contra Maldivas na outra. Sorte para tod@s e que gañe a deportividade!

VÍDEOS PRESENTACIÓN PAÍSES: EEUU

Alumnado de 2º de Educación Primaria realizou este vídeo de presentación do seu país (EEUU).

DEPORTISTAS SOLIDARIOS

O alumnado de 4º, 5º e 6º investiga sobre os deportistas solidarios na área de lingua inglesa polo Día da Paz. Despois da investigación en pequenos grupos de traballo, os de 4º realizaron murais coa información seleccionada, os de 5º e 6º fixeron exposicións orais na aula, xuntaron todos os traballos para elaborar un libro que tedes xa na biblioteca a vosa disposición e por último tamén acudiron á radio para facer podcast.

Traballos de 4º Primaria

Traballos de 5º e 6º Primaria

PROGRAMAS DE RADIO EN INGLÉS SOBRE OS DEPORTISTAS E OS XOGOS OLÍMPICOS

O alumnado de 4º, 5º e 6º están a facer programas de radio en inglés. Os de 6º investigaron sobre os xogos olímpicos e xa fixeron as primeiras gravacións no primeiro trimestre. Agora foi a quenda do alumnado de 5º e nos falan dos deportistas solidarios pola celebración do Día da Paz. Xa nos tarda escoitar tamén aos de 4º ... que nos contarán no terceiro trimestre? Atentos á nosa canle RADIO V.I. 

VIDEOS PRESENTACIÓN PAÍSES: BRASIL E ARXENTINA

Presentación de Brasil (1ºA)

Presentación de Arxentina (1ºB)

NOVOS TRABALLOS DE INVESTIGACIÓN

Neste segundo trimestre o alumnado de 4º de Educación Primaria está a investigar sobre os deportes olímpicos de equipo na área de Educación Fisica. Aquí vos deixamos algúns dos traballos xa expostos na entrada do cole.

Preme aquí para ver os traballos

ACTUALIZACIÓN DO MEDALLEIRO OLÍMPICO

Rematada a competición de Tiro con arco,actualizamos o noso medalleiro olímpico.
Recordaros que podedes ver algunhas fotos das competicións nos seguintes enlaces do blog:

-Competicións de Fútbol
-Competicións de Remo
-Competicións de Tiro con arco

En breve comezarán as competicións de Baloncesto no tempo de lecer. A ver se temos sorte co tempo climatolóxico e nos permite facer os partidos no patio.

MURAL OLÍMPICO POLA PAZ

Aquí temos o resultado da actividade inter-etapas, no que nenos e nenas de todo o cole participaron pintando coas súas mans os cinco aros olímpicos co símbolo da paz.

CANTO SABES DOS DEPORTES?

Na biblioteca temos novos xogos de mesa, entre eles fichas-preguntas sobre os deportes e a cultura dos diferentes países. 

Ven a xogar no tempo de lecer e amosa todo o que aprendiches sobre os xogos olímpicos.

PORTA DE DEPORTISTAS DE 3 ANOS

O alumnado está a investigar sobre os deportes olímpicos. Cada nen@ é un experto nun deporte e cóntalle aos seus compañeir@s todo o que sabe da súa disciplina deportiva. Aquí vos deixamos a súa simpática porta.

RETO CONSEGUIDO!

O alumnado de 3º e 4º de Educación Primaria tiña o cometido no primeiro trimestre de atopar as respostas de todas as preguntas formuladas polo resto do alumnado do colexio sobre:

 Que queremos saber dos Xogos Olímpicos?

Galería de fotos

Dende esta semana as podes buscar polas paredes de todo o cole. 

A ver se es capaz de atopar as que fixéchedes na vosa aula!

Preme aquí para ver todas as preguntas e respostas

COMEZAMOS A COMPETICIÓN DE TIRO CON ARCO

Galería de fotos

Hoxe comezamos no tempo de lecer as competicións de Tiro con arco. Guinea e Senegal foron os países participantes representados polo alumnado de 3º de Educación Primaria. Seguiremos engadindo fotos á galería ao longo da semana.

PREPARANDO O MURAL DO DÍA DA PAZ

Galería de fotos

Para celebrar o Día da paz estase a preparar un mural cos anelos olímpicos como símbolos de paz na que participan todos os nenos e nenas do colexio pintando coas súas mans. Para facilitar o traballo organizamos actividades inter-etapas axudando os alumnos e alumnas de Primaria aos pequenos e pequenas de Educación Infantil. Axiña poderemos ver o resultado final.

NOVOS FONDOS PARA O PROXECTO

Na entrada á biblioteca hai novos contos relacionados co proxecto: Fútbol, Ximnasia rítmica, Baloncesto, tenis de mesa... Escolle o que máis che guste e lévao emprestado para túa casa.

ADESTRANDO TIRO CON ARCO

Galería de fotos

O alumnado está xa a practicar o tiro con arco nas clases de Educación Física. Axiña comezarán as competicións no tempo do lecer.

MEDALLEIRO OLÍMPICO

Actualizamos o medalleiro olímpico tras os resultados das competicións de Remo. 

VÍDEOS DA CERIMONIA INAUGURAL

Aquí temos os vídeos-resumo da cerimonia inaugural elaborados polo noso compañeiro Alex, coordinador do Equipo de Tics do centro, no que podedes ver unhas preciosas imaxes do cole dende o aire dun dos días máis especiais deste curso.

Paseo da antorcha olímpica

Desfile das delegacións, discurso de apertura, homenaxe aos olímpicos e encendido do pebeteiro.