Debido ás malas previsións metereolóxicas desta semana, nos vemos na obriga de aprazar a Cerimonia Inaugural do día 20 de Novembro ata que teñamos un día sen choiva. Avisaremos por todos os medios posibles da nova data.
Aquí vos deixamos o programa de actuacións para ese día.
11:30 Saída de todos os cursos agás 6º de Ed. Primaria (acompañados polos mestres e o director) aos puntos do percorrido onde recibirán o relevo da antorcha.
12:00 Inicio do Paseo da antorcha olímpica comezando polo alumnado de 6º acompañado polas familias que queiran participar. A mesma irase pasando de curso en curso no punto correspondente. No momento de recibir a antorcha, o/a porteador/a esperará no centro da rúa cos seus compañeir@s a ambos lados. Unha vez entregada continuarase coa carreira, cos compañeiros do que a leva xusto detrás del e o resto que xa viña detrás, organizados en parellas ou grupos de tres. O percorrido será polo barrio de Ardia, con corte de tráfico incluído, para rematar na entrada do cole. Os nenos de 4º de Ed. Infantil (os últimos porteadores) entregan a antorcha ao director.
As familias entrarán as primeira no patio para situarse arredor da zona marcada como "Estadio-patio olímpico".
12:30 Desfile das delegación dos países (cursos) dende a entrada do cole ata o "Estadio-patio" e comezando polos cursos superiores.
12:45 Discurso inaugural da olímpica Teresa Portela.
12:55 Entrada da antorcha no "Estadio-patio" polo porteador/a de 3 anos e encendido do pebetero.
